- ਮਰੀਜ਼ ਹਲਕਾ ਨਾਸ਼ਤਾ/ਲੰਚ (ਉਦਾਹਰਨ ਲਈ ਟੋਸਟ, ਜੈਮ, ਫਲ਼, ਜੂਸ, ਪਾਣੀ) ਲੈ ਸਕਦਾ ਹੈ, ਪਰ ਆਪਣੇ ਟੈਸਟ ਤੋਂ 1 ਘੰਟਾ ਪਹਿਲਾਂ ਕੁਝ ਵੀ ਨਾ ਖਾਓ।
- ਆਪਣੇ ਟੈਸਟ ਤੋਂ 24 ਘੰਟੇ ਪਹਿਲਾਂ ਕੈਫੀਨ ਵਾਲੇ ਸਾਰੇ ਉਤਪਾਦ ਬੰਦ ਕਰ ਦਿਓ। ਇਸ ਵਿੱਚ ਸਭ ਕਿਸਮ ਦੀ ਚਾਹ, ਕੌਫੀ, ਕੈਫੀਨ-ਰਹਿਤ ਚਾਹ/ਕੌਫੀ, ਪੌਪ, ਚਾਕਲੇਟ, ਟਾਈਲੇਨੋਲ 2 ਅਤੇ 2 ਅਤੇ/ਜਾਂ ਕੈਫੀਨ ਵਾਲੀਆਂ ਦਵਾਈਆਂ ਸ਼ਾਮਲ ਹਨ।
- ਇਨਸੁਲਿਨ ’ਤੇ ਨਿਰਭਰ ਕਰਨ ਵਾਲੇ ਡਾਇਬਿਟੀਜ਼ ਦੇ ਮਰੀਜ਼ਾਂ ਨੂੰ ਟੈਸਟ ਤੋਂ 1 ਘੰਟਾ ਪਹਿਲਾਂ ਆਪਣੀ ਇਨਸੁਲਿਨ ਅਤੇ ਹਲਕਾ ਖਾਣਾ ਲੈਣਾ ਚਾਹੀਦਾ ਹੈ।
- ਢਿੱਲੇ ਫਿੱਟ ਆਉਣ ਵਾਲੇ ਕੱਪੜੇ ਪਹਿਨੋ (ਉਦਾਹਰਨ ਲਈ ਟੀ-ਸ਼ਰਟ, ਟਰੈਕ ਪੈਂਟ, ਐਥਲੈਟਿਕ ਜੁੱਤੇ, ਆਦਿ)।
- ਆਪਣੀਆਂ ਸਾਰੀਆਂ ਵਰਤਮਾਨ ਦਵਾਈਆਂ ਦੀ ਸੂਚੀ ਨਾਲ ਲਿਆਓ। ਦਿਲ ਵਾਸਤੇ ਕਿਸੇ ਦਵਾਈਆਂ (ਉਦਾਹਰਨ ਲਈ ਬੀਟਾ-ਬਲੌਕਰਜ਼ ਜਿਵੇਂ ਕਿ ਮੈਟਰੋਪ੍ਰੋਲੋਲ ਜਾਂ ਅਟੈਨੋਲੋਲ, ਨਾਲ ਹੀ ਕੈਲਸ਼ੀਅਮ ਚੈਨਲ ਬਲੌਕਰਜ਼ ਜਿਵੇਂ ਕਿ ਡਿਲਟਿਆਜ਼ੇਮ ਜਾਂ ਵੇਰਾਪਾਮਿਲ) ਨੂੰ ਬੰਦ ਕਰਨ ਬਾਰੇ ਆਪਣੇ ਡਾਕਟਰ ਕੋਲੋਂ ਪੜਤਾਲ ਕਰੋ।
- ਆਪਣੇ ਟੈਸਟ ਤੋਂ 48 ਘੰਟੇ ਪਹਿਲਾਂ ਲਿੰਗ ਵਿੱਚ ਤਣਾਅ ਨਾ ਆਉਣ ਬਾਰੇ ਦਵਾਈਆਂ (ਉਦਾਹਰਨ ਲਈ ਵਾਇਗਰਾ, ਸੀਆਲਿਸ, ਲੇਵੀਟਰਾ ਆਦਿ) ਨਾ ਲਓ।
ਮਾਇਓਕਾਰਡੀਅਲ ਪ੍ਰਫਿਊਜ਼ਨ ਇਮੇਜਿੰਗ ਵਿੱਚ 2 ਭਾਗ ਹੁੰਦੇ ਹਨ:
- ਆਰਾਮ ਦੌਰਾਨ ਅਧਿਐਨ (Rest Study)- ਨੂੰ ਲਗਭਗ 1.5 – 2 ਘੰਟੇ ਲਗਦੇ ਹਨ ਅਤੇ ਇਸ ਵਿੱਚ ਇੱਕ ਟੀਕਾ ਲਗਾਉਣਾ ਵੀ ਸ਼ਾਮਲ ਹੁੰਦਾ ਹੈ ਜਿਸਦੇ ਬਾਅਦ ਚਿਤਰ ਲਏ ਜਾਂਦੇ ਹਨ।
- ਤਣਾਅ ਦੌਰਾਨ ਅਧਿਐਨ (Stress Study)- ਨੂੰ ਲਗਭਗ 2 – 2.5 ਘੰਟੇ ਲਗਦੇ ਹਨ ਅਤੇ ਇਸ ਵਿੱਚ ਤਣਾਅ ਟੈਸਟ, ਟੀਕਾ ਅਤੇ ਚਿਤਰ ਲਏ ਜਾਣਾ ਸ਼ਾਮਲ ਹੁੰਦੇ ਹਨ।